கடும் சுகாதாரப் பாதுகாப்புடன் உயர்தரப் பரீட்சைகள் இன்று ஆரம்பம்

கோவிட்- 19 தொற்றுக்கு மத்தியில் சுகாதாரப் பாதுகாப்புடன் நேற்று ஞாயிற்றுக்கிழமை தரம் 5 மாணவர்களுக்கான புலமைப்பரிசில் பரீட்சை நிறைவடைந்துள்ள நிலையில், இன்று கல்விப் பொதுத் தராதர உயர்தரப் பரீட்சைகள் ஆரம்பமாகவுள்ளன.

உயர்தரப் பரீட்சைகள் இன்று திங்கட்கிழமை ஆரம்பமாகி நவம்பர் மாதம் 6ஆம் திகதி வரை நடைபெறவுள்ளன.

இம்முறை 3 இலட்சத்து 62 ஆயிரத்து 824 பரீட்சார்த்திகள் உயர்தரப் பரீட்சைக்குத் தோற்றவுள்ளனர்.

இவர்களில் 3 இலட்சத்து 19 ஆயிரத்து 485 பேர் புதிய பாடத் திட்டத்திலும் 43 ஆயிரத்து 339 பேர் பழைய பாடத்திட்டத்திலும் பரீட்சைக்குத் தோற்றவுள்ளனர்.

புதிய பாடத்திட்டத்தில் 2 இலட்சத்து 77 ஆயிரத்து 580 பேர் பாடசாலை மூல பரீட் சார்த்திகளாவர்.

எஞ்சிய 41 ஆயிரத்து 905 பேர் தனியார் பரீட்சார்த்திகளாவர்.

உயர்தரப் பரீட்சைகளுக்காக நாடளாவிய ரீதியில் 2,648 பரீட்சை நிலையங்கள் அமைக்கப்பட்டுள்ளதோடு 316 ஒருங்கிணைப்பு நிலையங்களும் அமைக்கப்பட்டுள்ளன.