ஜூன் 20ஆம் திகதி பொதுத் தேர்தல்

கொரோனா வைரஸ் அச்சம் காரணமாக ஒத்திவைக்கப்பட்ட பாராளுமன்ற பொதுத் தேர்தல் ஜூன் மாதம் 20ஆம் திகதி இடம் பெறும் என தேர்தல்கள் ஆணைக்குழு அறிவித்துள்ளது.

தேர்தலுக்கான விசேட வர்த்தமானி அறிவிப்பு நேற்று நள்ளிரவு வெளியாகியது.

பாராளுமன்ற தேர்தல் வரும் 25ஆம் திகதி என முன்னர் அறிவிக்கப்பட்டு வர்த்தமானி அறிவிப்பு ஜனாதிபதியால் வெளியிடப்பட்டது.

எனினும் நாட்டில் கொரோனா வைரஸ் தொற்று பரம்பலைக் கட்டுப்படுத்த எடுக்கப்பட்ட நடவடிக்கைகள் காரணமாக தேர்தல்கள் ஆணைக்குழுவால் மே 14ஆம் திகதி வரை தேர்தல் தினத்தை அறிவிக்கும் காலம் ஒத்திவைக்கப்பட்டு வர்த்தமானி அறிவிப்பு வெளி யிடப்பட்டது.

இந் நிலையில் தேர்தல் திகதியை ஜூன் 20 ஆம் திகதி எனக் குறிப்பிட்டு தேர்தல்கள் ஆணைக்குழுவால் பொதுத் தேர்தலை ஒத்திவைப்பதற்கான அதி சிறப்பு வர்த்தமானி நேற்று பின்னிரவில் வெளியிடப்பட்டுள்ளது.