745 பேர் நாடு திரும்பினர்

குவைத், ஐக்கிய அரபு எமிரேட்ஸ், கட்டார் மற்றும் இந்தியா ஆகிய நாடுகளிலிருந்து மொத்தமாக 745 இலங்கையர்கள் நேற்று அதிகாலை நாடு திரும்பியுள்ளனர்.

அதன்படி கட்டார், டோஹாவிலிருந்து கட்டார் எயார்வேஸ் விமான சேவைக்கு சொந்தமான ஞசு-668 என்ற விமானத்தின் மூலம் 20 இலங்கையர்கள் நேற்று அதிகாலை 1.31 மணியளவில் கட்டுநாயக்க சர்வதேச விமான நிலையத்தை வந்தடைந் தனர்.

இந்தியாவின், சென்னையிலிருந்து இலங்கை எயார்லைன்ஸ் விமான சேவைக்குச் சொந்தமான யு.எல் -1126 என்ற விமானத்தில் 290 இலங்கையர்கள் அதிகாலை 5.8 மணியளவில் கட்டுநாயக்க விமான நிலையத்தை வந்தடைந்துள்ளனர்.

குவைத்திலிருந்து இலங்கை எயார்லைன்ஸ் நிறுவனத்துக்கு சொந்தமான யு.எல் -230 என்ற விமானத்தில் 266 இலங்கையர்கள் அதிகாலை 4.22 மணியளவில் மத்தள சர்வதேச விமான நிலையத்தை வந்தடைந்துள்ளனர்.

ஐக்கிய அரபு எமிரேட்ஸிலிருந்து இலங்கை எயார்லைன்ஸ் நிறுவனத்துக்குச் சொந்தமான யு.எல் -226 என்ற விமானத்தில் 169 இலங்கையர்கள் மத்தள விமான நிலையத்தை வந்தடைந்துள்ளனர். இவ்வாறு நாட்டை வந்தடைந்த அனைவரிடமும் பி.சி.ஆர்.சோதனை முன்னெடுக்கும் நடவடிக்கையும் மேற்கொள்ளப்பட்டது.