செல்வச்சந்நிதியில் சிறுமியின் காப்பு அபகரித்தவர் கைது
September 2, 2020
Share
தொண்டைமானாறு செல்வச்சந்நிதி ஆலயத்தில் நேற்றிரவு சிறுமி ஒருவரின் காப்பினை அபகரித்த திருடர் ஒருவர் வல்வெட்டித்துறை பொலிஸாரினால் கையும் மெய்யுமாக பிடிக்கப்பட்டுள்ளார்.
செல்வச்சந்நிதி ஆலயத்தின் தேர்த் திருவிழா நேற்று செவ்வாய்க்கிழமை இடம்பெற்ற நிலையில் இரவு நேர பூஜையில் கலந்து கொள்வதற்காக வந்திருந்த சிறுமி ஒருவரின் ஒன்றரை பவுண் நிறையுடைய காப்பினை திருடர் ஒருவர் அபகரித்த நிலையில் அவரை வல்வெட்டித் துறைப் பொலிஸார் கையும் மெய்யுமாகப் பிடித்து உள்ளனர்.
பிடிக்கப்பட்ட நபர் நாவற்குழி பகுதியை சேர்ந்தவர் என தெரிவிக்கப்படுகிறது.
