இணுவிலில் வாள்வெட்டு இளைஞன் படுகாயம்

கோண்டாவில் காரைக்கால் பகுதியில் நேற்று இரவு இடம்பெற்ற வாள்வெட்டில் இளைஞர் ஒருவர் படுகாயமடைந்துள்ளார்.

இரண்டு தரப்புக்கு இடையே நீடித்து வந்த மோதலே நேற்று வாள்வெட்டுச் சம்பவமாக மாறியது என்று சுன்னாகம் பொலிஸார் தெரிவித்தனர்.

காரைக்காலைச் சேர்ந்த குழு ஒன்று மற்றொரு குழுவை நேற்று முன்தினம் தாக்கியுள்ளது.

அதற்குப் பழிதீர்க்கும் வகையில் நேற்று காரைக்கால் குழுவைச் சேர்ந்தவர்கள் மீது வாள் வெட்டுத் தாக்குதல் நடத்தப்பட்டுள்ளது என்று பொலிஸார் தெரிவித்தனர்.

அதில் சற்குணம் கபிலன் என்ற இளைஞனே தலையில் படுகாயமடைந்த நிலையில் யாழ்.போதனா வைத்தியசாலையில் சிகிச்சைக்காக சேர்க்கப்பட்டுள்ளார் என்று பொலிஸார் கூறினர்.

மேலதிக விசாரணைகளை சுன் னாகம் பொலிஸார் முன்னெடுத்துள்ளனர்.