ஊரடங்கு வேளை நீர்வேலியில் மூன்று வீடுகளில் கொள்ளை
May 2, 2020
Share
நீர்வேலியில் ஊரடங்கு அமுலிலிருந்த வேளையில் முகமூடி அணிந்து வாள்களுடன் சென்ற நான்கு பேர் கொண்ட கும்பல் வீட்டிலிருந்தவர்களைக் கடுமையாக அச்சுறுத்தியும் தாக்கியும் மூன்று வீடுகளில் கொள்ளைகளில் ஈடுபட்டுள்ளது.
குறித்த கொள்ளைச் சம்பவம் கடந்த வியாழக்கிழமை நள்ளிரவு நடந்துள்ளது.
வீடொன்றில் மூன்று இலட்சத்து 85 ஆயிரம் ரூபாய் பணமும் இன்னொரு வீட்டில் இரண்டு பவுண் தங்கச்சங்கிலிகள் இரண்டும் மற்றொரு வீட்டில் துவிச்சக்கரவண்டி யொன்றும் கொள்ளையிடப்பட்டுள்ளது.
இதேவேளை, மேற்படி கொள்ளைச் சம்பவங்கள் தொடர்பாக கோப்பாய் பொலிஸ் நிலையத்தில் முறைப்பாடு செய்யப்பட்டுள்ள நிலையில் பொலிஸார் விசாரணைகளை மேற்கொண்டு வருகின்றனர்.
