நாடு முழுவதும் முடக்கப்படலாம் : அமைச்சர் கெஹலிய ரம்புக்வெல்ல
Share
இலங்கையில் கொரோனா வைரஸின் நிலைமை மோசமானால் நாடு முழுவதும் முடக்கப்படுவதற்கான சாத்தியம் இருப்பதாக அமைச்சர் கெஹலிய ரம்புக்வெல்ல தெரிவித்துள்ளார்.
நாட்டை முடக்கும் அவசியம் உள்ளதா? இல்லையா? என்ற கேள்விக்கு பதிலளிக்கையிலேயே அவர் இவ்வாறு தெரிவித்தார்.
நாடு முழுவதும் முடக்கப்படுவதற்கான அவசியம் குறித்து விவாதம் நேற்று கோவிட் தடுப்புக்கான தேசிய செயல்பாட்டு மையம் மற்றும் சுகாதார அதிகாரிகளுடன் இடம்பெற்றது.
இந்தநிலையில் வைரஸ் பரவுவதைக் குறைக்க தற்போது வலய மற்றும் பகுதி வாரியாக முடக்குதல் போதுமானது என்பது அரசாங்கத்தின் கருத்தாக உள்ளது என்று ரம்புக்வெல்ல கூறினார்.
அதே நேரத்தில் நாட்டின் நிலைமையைப் பொறுத்து எதிர்காலத்தில் இந்த முடிவு மாறக்கூடும் என்று அமைச்சர் ரம்புக்வெல்ல தெரிவித்தார்.
அண்மையில் கடுமையான நெருக்கடியை எதிர்கொண்டுள்ள அண்டை நாடான இந்தியாவைப் போல இலங்கையும் மாறாது என்று அவர் குறிப்பிட்டார்.
“இலங்கை மக்கள் விவேகமானவர்கள், மேலும் வைரஸ் பரவாமல் தடுக்க அவர்கள் பொறுப்பான மற்றும் விவேகமான முறையில் செயல்படுவார்கள் என்று நம்புவதாக அமைச்சர் கூறினார்.
