மகளின் முறைப்பாட்டால் பெற்றோர் கைது
Share
வவுனியா செட்டிகுளம் பிரதேச செயலக பிரிவுக் குட்பட்ட கிராமத்தில் மகளை துன்புறுத் திய குற்றச்சாட்டில் பெற்றோரை பொலிஸார் கைது செய்துள்ளனர்.
குறித்த சம்பவம் நேற்று முன்தினம் இடம்பெற்றுள்ளதுடன் இச் சம்பவம் தொடர்பில் மேலும் தெரியவருகையில்,
குறித்த 17 வயதுடைய மாணவி பெற்றோர் தன்னை துன்புறுத்தியதாக தெரிவித்து பொலிஸ் நிலையத்தில் முறைப்பாடு மேற்கொண்டதினையடுத்து பொலிஸார் மாணவியை வவுனியா மாவட்ட பொது வைத்தியசாலையில் அனுமதித்துள்ளனர்.
சம்பவம் தொடர்பிலான விசாரணைகளை மேற்கொண்ட செட்டிகுளம் பொலிஸார் மாணவியின் வாக்குமூலத்தினையடுத்து மாணவியின் பெற்றோரை கைது செய்து பொலிஸ் தடுப்புக் காவலில் வைத்துள்ளனர்.
மேலதிக விசாரணைகளின் பின்னர் பெற்றோரை வவுனியா மாவட்ட நீதவான் நீதிமன்றில் ஆஜர்படுத்துவதற்குரிய நடவடிக்கைகளை மேற்கொண்டு வருகின்றனர்.
