“பாதாளயோ” கோட்டாபய” இருநூல்கள் வெளியீடு

பாதுகாப்பு செயலாளர் மேஜர் ஜெனரல் கமால் குணரட்னவால் எழுதப்பட்ட பாதாளயோ (பாதாள உலகத்தினர்) என்ற நாவலும் கோட்டாபய என்ற நூலின் ஆங்கிலப் பிரதியும் ஜனாதிபதி கோட்டாபய ராஜபக்ஷவிடம் கையளிக்கப்பட்டது.

உண்மையான பல நிகழ்வுகளை அடிப்படையாகக் கொண்டு பாதாளயோ என்ற நாவல் எழு தப்பட்டுள்ளது. கோட்டாபய என்ற சிங்கள நூல் கடந்த வருடம் வெளியிடப் பட்டிருந்த நிலையில் ஆங்கில பிரதி வெளியிட்டு வைக்கப்பட்டது.

இரு நூல்களினதும் வெளியீட்டு நிகழ்வு நேற்று முன் தினம் பிற்பகல் கொழும்பு ஆனந்தா கல்லூரியின் குலரத்ன மண்டபத்தில் இடம்பெற்றது.

இந்நிகழ்வில் பிரதமர் மகிந்த ராஜபக்ஷ, அமைச்சர்களான சமல் ராஜபக்ஷ, பந்துல குணவர்த் தன, மகிந்தானந்த அளுத்கமகே, சரத் வீரசேகர, நாலக கொடகேவா ஆகி யோரும் அமைச்சுக்களின் செயலாளர்கள், முன்னாள் இராணுவத் தளபதிகள், தற்போதைய தளபதிகள் உள்ளிட்ட பாதுகாப்புத்துறை முக்கியஸ்தர்களும் கலந்து கொண்டனர்.