பாடசாலைகள் இன்று ஆரம்பம்

நாடளாவிய ரீதியிலுள்ள அனைத்துப் பாடசாலைகளிலும் தரம் 11 , 12 மற்றும் 13ஆம் தரத்தில் கல்வி பயிலும் மாணவர்களுக்கு இன்று திங்கட்கிழமை கற்பித்தல் நட வடிக்கைகள் ஆரம்பமாகவுள்ளன.

எனினும் இராஜாங்கனைப் பிரதேசத்திலுள்ள பாடசாலைகள் ஆரம்பிக்கப்படமாட்டாது.

கொரோனா வைரஸ் பரவலினால் சுமார் 3 மாத காலம் விடுமுறை வழங்கப்பட்டிருந்த நிலையில் கட்டம் கட்டமாக பாடசாலைகளை திறப்பதற்கு தீர்மானிக்கப்பட்டிருந்தது.

எனினும் கந்தக்காடு புனர்வாழ்வு நிலையத்தில் கொரோனா பரவல் தீவிர மடைந்ததைத் தொடர்ந்து பாடசாலைகளை ஆரம்பிக்கும் தினங்களில் மாற்றங்கள் செய்யப்பட்டன.

இது தொடர்பில் கல்வி அமைச்சினால் வெளியிடப்பட்டுள்ள ஊடக அறிக்கையில் மேலும் தெரிவிக்கப்பட்டுள்ளதாவது,

அதற்கமைய கடந்த வாரம் கல்வி அமைச்சு அறிவித்ததைப் போன்று இன்று தரம் 11, 12 மற்றும் 13 மாணவர்களுக்கு மாத்திரம் பாடசாலைகளை ஆரம்பிக்கப்படவுள்ளன.

ஏனைய அனைத்து வகுப்புக்களுக்கும் ஓகஸ்ட் 10ஆம் திகதி பாடசாலைகளை ஆரம்பிப்பதற்கு தீர்மானிக்கப்பட்டுள்ளது.

இதேவேளை இராஜாங்கனை பகுதியிலுள்ள அனைத்து பாடசாலைகளையும் ஓகஸ்ட் 10ஆம் திகதிக்கு முன்னர் திறக்காமலிருப்பதற்கும் கல்வி அமைச்சினால் தீர்மானிக்கப்பட்டுள்ளது.