தனிமைப்படுத்தல் மையமாகும் கல்வியியற் கல்லூரிகள்
Share
கொரோனா பரவல் அதிகரித்து வருவதையடுத்து நாடு முழுவதுமுள்ள கல்வியியற் கல்லூரிகள் தனிமைப்படுத்தல் மையங்களாக மாற்றப்பட்டுவருகிறது.
அந்தவகையில், கோப்பாய் தேசிய கல்வியியற் கல்லூரியும் தனிமைப்படுத்தல் மையமாக மாற்றப்படவுள்ளது.
இன்று இராணுவத்தினரால் இக்கல்லூரி பொறுப்பேற்கப்படவுள்ளது.
தற்போது சுமார் 400 ஆசிரிய பயிற்சி மாணவர்கள் கோப்பாயில் கல்வி கற்று வருகிறார்கள்.
அவர்கள் அனைவரும் இன்று அங்கிருந்து வீடுகளிற்கு அனுப்பப்படவுள்ளனர்.
கொரோனாத் தொற்று அபாயமுள்ளதால் மாணவர்களைப் பாதுகாப்பாக இராணுவத்தினரே வீடுகளிற்கு அனுப்பி வைக்கவுள்ளனர்.
அண்மையிலுள்ள பிரதேசங்களை சேர்ந்தவர்களின் பெற்றோர் அல்லது உறவினர்கள் வந்து அழைத்து செல்லவும், தூர இடங்களில் உள்ளவர்கள் இராணுவத்தினரால் பேருந்துகளிலும் அழைத்துச் செல்லப்படவுள்ளனர்.
இதேவேளை, வவுனியா தேசியகல்வியியற்கல்லூரி தனிமைப்படுத்தல் நிலையமாக இராணுவத்தினரால் மாற்றப்பட்டுள்ளதோடு அங்கிருந்தும் மாணவர்கள் வீடுகளுக்கு அனுப்பி வைக்கப்பட்டுள்ளனர்.
