இணுவிலில் வன்முறைக் கும்பல் வீடு புகுந்து தாக்குதல்

வீடு ஒன்றுக்குள் புகுந்த வன்முறைக் கும்பல் ஒன்று அங்குள்ள பொருட்களைச் சேதப்படுத்தியும் மோட்டார் சைக்கிள்கள் இரண்டைத் தீ வைத்து எரியூட்டியும் அட்டூழியத்தில் ஈடுபட்டு விட்டுத் தப்பித்துள்ளது.

இணுவில் துரை வீதியில் உள்ள வீட்டிலேயே நேற்று பிற்பகல் 2.30 மணியளவில் இந்தச் சம்பவம் இடம்பெற்றுள்ளது.

கடந்த 26ஆம் திகதி யாழ்ப்பாணம் நகர் பெருமாள் கோயிலடியில் மானிப்பாயைச் சேர்ந்த இளைஞரை வாளால் வெட்டிக் காயப்படுத்திய குற்றச்சாட்டில் ஒருவர் யாழ்ப்பாணம் நீதவான் நீதிமன்றில் சரணடைந்த நிலையில் எதிர்வரும் 9ஆம் திகதி வரை விளக்கமறியலில் வைக்கப்பட்டுள்ளார்.

இந்தநிலையில் குறித்த நபரின் வீட்டில் வன்முறைக் கும்பல் ஒன்றால் தாக்குதல் நடத்தப்பட்டுள்ளது.

சம்பவம் தொடர்பில் சுன்னாகம் பொலி ஸார் விசாரணைகளை முன்னெடுத்துள்ளனர்.